14 куарусён

Толшор · Тулыспал · Южтолэзь · Оштолэзь · Куартолэзь · Инвожо · Пӧсьтолэзь · Гудырикошкон · Куарусён · Коньывуон · Шуркынмон · Толсур 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

14 куарусён — арлэн 257-тӥ нуналыз (258-тӥ нунал високосной арын) григорианской календарья. Выль арозь 108 нунал кыле.

Али дыре юлиан календарьлэн 1-тӥ Куарусёнэзлы огкадь луэ.

Праздникъёс

• Удмуртия Удмуртия — Мушкасьлэн нуналыз.
•  удмуртъёс — Кут-чибинез ватон. Ӟольгыри ватске. (Укно дуре кулэм кут-чибиньъёсты ӟустырие бинялтоно но шур кузя лэзёно яке, нюк сопала поттыса, музъеме согоно).

Луэм учыръёс

• 1515 — Мариньяно дорын ож: французъёсын куашкатэм Швейцария ялӥз аслаз «пырак азелы нейтралитетэз» сярысь.
• 1811 — Пруссиын феодальной система палэнтэмын.
• 1812 — Отечественной ож: Наполеон Быдӟым армиеныз ӵош Муское пыриз.
• 1829 — Адрианополь мирной договор йылпумъяз укмысэтӥ ӟуч-турец ожез.
• 1857 — Англиысь войскоос сипайёсын басьтэм Делиез штурмовать карыны ӧдъязы.
• 1867 — Карл Маркслэн «Капиталэзлэн» нырысетӥ томез калык азе потӥз.
• 1902
  • Глаз утемысь Александрово черкогуртын Калыкез югдытонъя министерстволэн 2 классъем училищеез усьтэмын.
  • Сарапулын А. Н. Пельцлэн частной нылкышно прогимназиез усьтӥськиз.
• 1906 — Вотка завод посёлокын А. И. Созыкинлэн богадельняез усьтэмын.
• 1907 — Сарапул утемысь земстволэн гурт возёсъя кустарно-промышленной адӟытонэз нырысьсэ усьтӥськем.
• 1911 — Киевын анархист Дмитрий Богров ыбиз Россиысь Министръёслэн Кенешсылэсь тӧрозэ Пётр Столыпинэз.
• 1917 — Временной правительство ялӥз Россия луэ республика шуыса.
• 1948 — Удмурт Республикаысь ужасьёсты радъям люканъя контора кылдытэмын.
• 1954 — Оренбург улосын Тоцкой полигон вылын атомной бомбаез уже кутыса ожлы дышетонъёс ортчизы.
• 1959 — космической аппарат Луна-2 нырысьсэ дуннеын Толэзьлэн вылаз лобыса вуиз.
• 1960 — Багдадын Мувӧй поттӥсь кунъёслэн организацизы кылдытэмын.
• 1973 — Город-герой даноним Керчьлы но Новороссийсклы сётэмын.
• 2000 — Майкрософт корпораци поттӥз Windows Milennium Edition операционной системаез.
• 2002 — Ханойын Буддалэн ыргонлэсь лэсьтэм 6,5 метръем 30 тоннаем статуез пуктэмын.
• 2003 — референдумез йылпумъян бере Эстония аслэсьтыз Европа союзэ пыронзэ умоен лыдъяз.
• 2014 — Удмуртилэсь Тӧрозэ нырысетӥ быръёнъёс ортчытэмын.

Вордскизы

• 1769 — Александр фон Гумбольдт, Германиысь естествоиспытатель но географ.
• 1901 — Андрей Андреевич Власов, совето ожгарчи, коллаборационист, Быдӟым Атыкай ожын Ӟуч мозмытӥсь армиен (РОА) кивалтӥз Куинетӥ рейх понна ожмаськыса.
• 1928 — Вера Колесникова, Якшур-Бӧдья ёросысь дышетӥсь-методист.
• 1932 — Игорь Кириллов, совето телевиденилэн дикторез, СССР-ысь калык артист.
• 1937 — Генрих Перевощиков, Удмуртиысь калык писатель, журналист.
• 1959 — Мортен Харкет, Норвегиысь «A-ha» группалэн кырӟасез.
• 1965 — Дмитрий Медведев, Россия Федерацилэн куинетӥ президентэз (2008 арысен 2012 арозь).
• 1983 — Эми Уайнхаус, англи кырӟась но кырӟанъёслэн авторзы.
• 1988 — Мартен Фуркад, француз биатлонист, кык полъем олимпи чемпион.

Кулӥзы

• 1321 — Данте Алигьери, Италиысь кылбурчи.
• 1638 — Джон Гарвард, Англиысь миссионер, кудӥзлэн нимызъя Гарвард университет нимамын вал.
• 1712 — Джованни Кассини, Италиысь астроном, Прагаысь наукаосъя академиысь академик.
• 1851 — Джеймс Фенимор Купер, Америкаысь писатель.
• 1927 — Айседора Дункан, Америкаысь балерина, Сергей Есенинлэн кышноез.
• 1966 — Джемаль Гюрсель, Турцилэн 4-тӥ президентэз.