Глаз
Город | ||||||||
Глазов | ||||||||
---|---|---|---|---|---|---|---|---|
удм. Сингурт, Глазкар | ||||||||
| ||||||||
|
||||||||
58°08′27″ с. ш. 52°40′27″ в. д.HGЯO | ||||||||
Кун | Россия | |||||||
Федераци Асмос | Удмуртия | |||||||
Городской округ | город Глазов | |||||||
Глава города | Коновалов Сергей Николаевич | |||||||
Историез но географиез | ||||||||
Нырысьсэ тодэ уськытон | 1678 | |||||||
Город с | 1780 года | |||||||
Площадез | 68,27[1] км² | |||||||
Шоринтылэн ӝуждалаез | 150 м | |||||||
Часовой пояс | UTC+4:00 | |||||||
Улӥсез | ||||||||
Улӥсез |
|
|||||||
Плотностез | 1271,91 чел./км² | |||||||
Йӧскалык | русские, удмурты, татары, российские немцы | |||||||
Конфессиос | православные, мусульмане, евангелисты | |||||||
Улӥсьёслэн нимзы |
глазовча́нин, глазовча́нка, глазовча́не |
|||||||
Лыдпусо тодметъёс | ||||||||
Телефон кодэз | +7 34141 | |||||||
Почта интыпусэз | 427620 - 427649[2] | |||||||
Код ОКАТО | 94420000000 | |||||||
Код ОКТМО | 94720000001 | |||||||
|
||||||||
Шаблон:URL | ||||||||
|
||||||||
Медиафайлы на Викискладе |
Глаз — Удмуртилэн уй палаз интыяськем кар, Глаз ёрослэн административной центрез (ёрослэн составаз уг пыры). Ӵемысь сое шуо «Удмуртилэн уйпал шоркарез».
Выжыяськемын Ижлэсь 180 километрлы палэнэ — Чупчи шурлэн паллян ярдур котыраз.
Городлэн тужгес вылӥ интыез — Солдырь гурезь. Отысен быдэс Глазкар кырым пыдэсын кадь адске: шунды пуксёнысен шунды ӝужан палозь кыстӥське ог 14 километр, нош лымшорысен уйпалозь — 5 километр. Городлэн быдӟалаез — 6 сюрс 916 гектар.
2009-тӥ арын ортчытэм лыдъян-чотанъя Глазкарын ваньмыз-ӧвӧлэз улӥсез 105,9 сюрс мурт. Пӧлысьтызы ӟучъёс — 55,4%, удмуртъёс — 36,4%, бигеръёс — 4,6%, музон калыкъёс — 3,6%.
История[Тупатыны | бамлэсь кодзэ тупатоно]
Городлы Глаз ним сётон пумысен куинь малпан вань. Нырысетӥез герӟаськемын та палъёслэн выро-гопо музъеменызы. Солдырь гурезе тубыса Глаз карез учконо ке, со укша, пе, бадӟым синлы.
Кыкетӥез малпан: городлы ним сётӥз императрица Екатерина II - Глаз карлэсь туссэ бумага вылэ суредаллям но та кышномуртлы возьматӥллям. Екатерина II-лы со синлы укша кадь потэм.
Куинетӥяз мадёсын вераськон мынэ кыӵе ке Сингурт сярысь. Но учёнойёс пусъё: удмуртъёс, пе, Глазовез ноку но удмурт кылэ ӧз берыктылэ. Соин ик “Сингурт” - со вашкала дауръёсысь кылем мар ке ӧвӧл, шаерчиослэн малпамзы гинэ.
Глаз кар сярысь нырысьсэ гожтэмын 1678-тӥ арын лыдъян-чотанлы сӥзем ӟуч книгаын. Нош соку лыдъясь-чотасьёс удмурт гурт нимъёсты ноку но ӟуч кылэ ӧз берыктылэ: я удмурт нимзэ, я ӟучез вань ке — ӟучсэ, я гуртэз кылдытӥсьлэсь нимзэ гожъяллязы. Ӵапак та лыдъян-чотанын ик пусъемын: Глазэз кылдытӥз Глазов нимтулэн воргорон.
Починкаез, аръёс ортчемъя со Глазлы пӧрмиз ини, кылдытӥзы Горд Слудка гуртысь потэм удмуртъёс 1670-тӥ арын. Отын черк ӝутэмзы бере починка Глазов черкогуртлы пӧрмиз. 1780-тӥ арын императрицалэн Екатерина II-лэн указэзъя Глазлы городлэсь статуссэ но гербзэ юнматӥзы. Озьы со Глазовской уездлэн шорсюлмыз луиз.
1804-тӥ арысен городлы выль кильтро коркаос пуктылыны ӧдъяз Санкт-Петербургысь архитектор Иван Лем. 1898-тӥ арысен город пыр лэсьтыны кутскизы Транссибирской чугун сюрес.
Кар символика[Тупатыны | бамлэсь кодзэ тупатоно]
Гербез — шори люкем геральдика щит. Щитлэн вылӥ люкетаз пуксемын Вятской губернилэн гербез, угось Глазовской уезд азьвыл аръёсы пыре вал ӵапак та губерние: ӵуж-ӵуж буёл вылын суредамын тӧдьыалэс-чагыр пилемъёс. Нош со пушкысь адске пукыӵен ки. Со возьматэ православилы осконэз но язычествоен нюръяськонэз. Ки вылын пиштэ горд кирос - возьматэ кужмо, сӥлё-виро луммэс. Кунпуслэн ӵуж-ӵуж буёлэз валатон сётэ: та палъёсын уло узыр, сӥё-дано, тыршись, оскись адямиос.
Улӥяз, чагыралэс бусыын, пуктэмын адями син. Чагыралэс буёл возьматэ ӧрекчаськисьтэм, рос-прос, гажамон адямиез. Син возьматэ кык малпанэз. Нырысетӥез малпан герӟаськемын та городлэн нимыныз - Глазкар. Кыкетӥез малпан: Глазов республикамылэн шоркарызлэсь кыдёке интыяськемын ке но, со - шаермылэн синмыз.
Флагез — меӵак сэрего тӧдьы басма юдэс, шораз ик — Глазлэн гербез.
Галерея[Тупатыны | бамлэсь кодзэ тупатоно]
Чӧлсконъёс[Тупатыны | бамлэсь кодзэ тупатоно]
- (ӟуч) (англи) Глаз карысь администрацилэн порталэз
- (ӟуч) Глазовский краеведческий музей
- (ӟуч) Справочник Глазова
- ↑ База данных муниципальных образований Шаблон:Wayback
Для вывода информации необходимо заполнить поисковые поля. - ↑ Почтовые индексы России Эскеремын 2009-09-01 аре
- ↑ 26. Численность постоянного населения Российской Федерации по муниципальным образованиям на 1 января 2018 года — Федеральная служба государственной статистики.