Андреев, Кузьма Андреевич
Кузьма Андреевич Андреев | |
---|---|
Вордӥськем нуналыз: | 1857 |
Вордӥськем интыез: | Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value). |
Кулон нуналыз: | 16-тӥ куарусёнэ 1940 |
Кузьма Андреевич Андреев — удмурт югдытӥсь, миссионер.
Вордӥськиз 1857-тӥ арын Вятской губерниысь Уржумской уездысь Карлыган гуртын (али — Марий Эл республикаысь Мари-Турек ёросын). Дышетскиз Старо-Ципьинской грамотая школаын но миссионеръёслы чаклам бигер школаын. Н. Ильминский, Н. Бобровников кивалтэм улсын тыршиз визь песьтэрзэ нуналысь нуналэ узырмытыны. Выриз кылысь кылэ берыктон ужен.
1881-тӥ-1883-тӥ аръёсы кылдытӥз школа. Трос дыр ортчем бере ини та дышетскон инты пӧрмиз Карлыганысь шор ёзо удмурт школалы. Азьланяз со тодон-валан басьтонъя, калыкез югдытон ужъя бадӟым центр луиз. Кузьма Андреевич мыло-кыдо нуиз миссионер ужзэ удмурт, бигер но пор калыкъёс пӧлын. Вятской но Казанской губерниосын школаос усьтон пумысен туж сюлмаськиз. Юн кусып возиз Ю. Вихман, А. Хямяляйнен финн-угорчиосын. Андреев инъет сётӥз школа ужез рос-прос радъяны, удмурт калыклэсь улон, дунне шоры учконзэ умой пала воштыны турттӥз.